Үздік мұғалімдерге лайықты демалыс!
«The Ulytau Educational Foundation»» білім қоры ұйымдастырған «CLIL master» байқауында жеңімпаз атанған Ұлытау өңірінің екі мұғалімі Түркияның Бодрум курортында демалуда.
Бұл байқауда бас жүлдеге Жезқазған қаласындағы №22 мектептің биология пәнінің мұғалімі Ольга Качур лайық болды. Еске салайық, байқау сабақтарын ағылшын тілінде жүргізетін пән мұғалімдеріне арналған болатын. «CLIL master» байқауының 2 туры шамамен 6 айға созылды.
Қор атап өткен екінші ұстаз Альмира Аймағанбет те Жезқазған қаласындағы №13 мектепте биология пәнінің мұғалімі болып жұмыс істеп, байқауда бірінші орынды жеңіп алды.
Олардың еңбекке деген адалдығы мен тамаша ұстаздық шеберлігі елеусіз қалмады, сондықтан «The Ulytau Educational Foundation» білім беру қоры оларды лайықты демалысқа жіберу арқылы жетістіктерін атап өтуді ұйғарды.
«Ольга Качур мен Альмира Аймағанбеттің үлгісі басқа да көптеген ұстаздарға шабыт болып, оларды ерінбей еңбек етуге, үнемі білімін жетілдіріп отыруға жігерлендіреді деп сенеміз. Олардың жетістіктері сүйікті ісіне деген құштарлық пен лайықты кәсібилікпен білім беруде жоғары нәтижелерге қол жеткізуге болатынын растайды», — дейді Қордың жоба жетекшісі Шынар Кәкенова.
Қор демалысты жоғары деңгейде ұйымдастыру жеңімпаз ұстаздарды бей-жай қалдырмайтынына сенімді. Сауықтыру процедураларының кең ауқымы мен көптеген ойын-сауықтар ұмытылмас әсер қалдырады. Эгей аймағының қайталанбас энергиясы, теңіздің әсемдігі мен бақтардың әдемілігі физикалық және эмоционалды түрде толық қалпына келтіруге мүмкіндік береді, бұл демалыс әсіресе қарқынды және ұзақ оқу жылынан кейін мұғалімдер үшін маңызды.
Келесі кезекте , маусым айының аяғында «CLIL master» байқауында 2-3-орын алған ұстаздар Анталияға аттанады.
