СӘТБАЕВТАН KING’S COLLEGE-ІНЕ ДЕЙІНГІ ЖОЛ
Ғылыми жобалар байқауының жеңімпаздары Ұлыбритания еліне келді. Сәтбаев қаласының Абай атындағы №4 мектеп-лицейінің командасы «Туған жерімнің экологиясын жақсартатын ғылыми жаңалық» атты ағылшын тілінде өткен ғылыми жобалар байқауында 1-орынды жеңіп алған бір топ оқушылар Англияның Борнмут қаласында орналасқан Кингс колледжінің жазғы бағдарламасына қатысуда. Бұл ағылшын тілінің деңгейін арттыруға арналған интенсивті бағдарлама, балалар ағылшын отбасыларымен бірге тұрады, британдықтардың мәдениеті және дәстүрлерімен танысып , ағылшын тағамдарының дәмін татып, Англияның тарихымен және архитектурасымен танысуда.
