Педагогикалық экспресс: Тәжірибе. Инновация. Шабыт

«Педагогикалық экспресс: Тәжірибе. Инновация. Шабыт» білім берудегі нақты өзгерістер алаңы

21 мамыр күні Жезқазған қаласындағы №26 гимназия базасында «Педагогикалық экспресс: Тәжірибе. Инновация. Шабыт / The Pedagogical Renaissance: Practice. Innovation. Inspiration» атты педагогикалық семинар өтті. Іс-шара кәсіби диалог, тәжірибе алмасу және білім саласындағы нақты өзгерістерді көрсету алаңына айналды.

Білім беру жүйесіндегі трансформацияда мектептің «The Ulytau Educational Foundation» қоғамдық қайырымдылық қорымен және Ustaz Ulytau педагогтердің кәсіби даму орталығымен жүйелі ынтымақтастығы ерекше рөл атқарды. Осы серіктестік аясындағы бағдарламалар мен жобалардың нәтижесінде STEM-білім беру, CLIL технологиясы, ағылшын тілін дамыту, жобалық қызмет, экологиялық ойлау және білім беру менеджменті бағыттары белсенді түрде енгізілуде.

Бірлескен жұмыстың нәтижелері бүгіннің өзінде нақты өзгерістерді көрсетуде:

• «зерттеуші» және «сарапшы» педагогтердің саны 20%-ға артты;
• жобалық қызметке қатысу 20%-ға өсті;
• ағылшын тілін меңгеру, STEM бағыттары және экологиялық мәдениет деңгейі артты;
• білім сапасы 64%-дан 74%-ға дейін өсті;
• ҰБТ-ның орташа балы 76-дан 82,7-ге дейін жоғарылады.

Бүгінгі семинар серіктестік, инновация және педагогтердің кәсіби дамуына салынған инвестициялардың мектептегі нақты өзгерістерге қалай ықпал ететінін айқын көрсетті. Бұл жай ғана тәжірибе алмасу емес, білім, технология және шабыт тұрақты дамудың негізіне айналатын болашақ мектебіне бағытталған маңызды қадам болды.

Өңірдегі сапалы білім беруді дамытуға үлес қосқан педагогтерге, спикерлерге, серіктестерге және барлық қатысушыларға алғысымызды білдіреміз